THALASSERY - Malayalam Proverbs

MALAYALAM PROVERBS

അകത്തറുത്താൽ പുറത്തറിയാം.
അകത്തു കത്തിയും പുറത്തു പത്തിയും.
അകത്തൊരുപെണ്ണുണ്ടെങ്കിൽ അകത്തൊരു തീയാണ്.
അകത്തോന്ന് മുഖത്തോന്ന്.
അകലത്തെ ബന്ധുവിനേക്കാൾ നല്ലത് അടുത്തുള്ള ശത്രുവാണ്.
അങ്കവും കാണാം താളിയുമൊടിക്കാം.
അങ്ങാടിപ്പയ്യ് ആലയിൽ നിൽക്കില്ല.
അങ്ങാടിയിൽ തോറ്റതിന് അമ്മയോട്.
അച്ചിക്ക് കൊഞ്ച് പക്ഷം നായർക്ക് ഇഞ്ചി പക്ഷം.
അച്ഛൻ അരികുറച്ചാൽ അമ്മ അത്താഴം കുറയ്ക്കും.
അച്ഛൻ ആനപ്പുറത്തു കയറിയെന്നുവച്ച് മകന്റെ ആസനത്തിൽ തഴമ്പുണ്ടാകുമോ?
അഞ്ചിലറിഞ്ഞില്ലേൽ അമ്പതിലറിയും.
അടങ്ങിക്കിടക്കുന്ന പട്ടിയെയും അനങ്ങാതെ കിടക്കുന്ന വെള്ളത്തേയും പേടിക്കണം.
അടിതെറ്റിയാൽ ആനയും വീഴും.
അടുക്കളമാറിയാൽ ആറുമാസം.
അടുപ്പമേറിയാൽ മടുപ്പുകൂടും.
അട്ടയെപ്പിടിച്ചു മെത്തയിൽ കിടത്തിയാൽ കിടക്കില്ല.
അട്ടയ്ക്കു കണ്ണും കുതിരയ്ക്കു കൊമ്പും കൊടുത്തിരുന്നെങ്കിൽ.
അണ്ടിയോടടുക്കുമ്പോഴേമാങ്ങയുടെ പുളിയറിയൂ.
അണ്ണാൻ കുഞ്ഞിന്നെ മരംകേറ്റം പഠിപ്പിക്കണോ?
അണ്ണാൻ കുഞ്ഞും തന്നാലായത്.
അണ്ണാൻ മൂത്താലും മരംകേറ്റം മറക്കുമോ?
അതിപരിചയം നിന്ദയ്ക്കു കാരണം.
അതിമോഹം കുടികെടുത്തും.
അത്തം കറുത്താൽ ഓണം വെളുക്കും.
അത്താഴം അത്തിപ്പഴത്തോളം.
അത്താഴം മുടക്കാൻ നീർക്കോലിവിചാരിച്ചാലും മതി.
അത്താഴമുണ്ടാൽ അരക്കാതം നടക്കണം.
അത്യാഗ്രഹം ആപത്ത്‌.
അത്യാവശ്യക്കാരൻ വിലപേശില്ല.

MALAYALAM PROVERBS

About us

Contact Info

Quick Links

Our Sponsors